1.日本娃娃
作詞：許冠傑
作曲：許冠傑
尋晚響東急碰正個日本娃娃，
對眼特別大，重有尖尖下巴，
有似中森明菜唔係講假，
趣怪又特別，直頭日本化。
求愛敢死隊我屬御三家，
最注重浪漫又夠風騷夠肉麻，
戴起副紫色太陽鏡人就瀟灑，
百五磅魅力實行大轟炸。
Hello Kan Ban Wa，
小姐你好嗎？
Watashi Wa Hong Kong No，
MatchyDesu Anata Wa，
Totemo Kawai，
實行用架文跟佢 Friend 下。
同佢去 Happy 跳上架 Toyota，
去晚飯直落共舞於 Casablanca，
趁高興飛身上台唱 Careless Whispers，
再散步月下連隨幻想。
娶娃娃即刻就變哂身價，
洗杉煲湯 Dum 骨練背脊遞茶，
1997個陣，冇有駛怕，
實行住原宿開間 Sushi Bar。
同佢去宵夜我叫 Tempura，
佢叫立立雜雜刺身鬼咁豪華，
哎找數三千零八成分身家，
佢笑住重話 Arigato Gozaimashita。
陪佢番 Lobby 企正個日本爸爸，
佢眼茂骨骨大喝聲 Nan Desu Ka，
個女佢今年唔夠 16 and a half，
佢劍道十段要同你練下，
Sayonara 忍著淚說 Goodbye啦！
Thanks Thanks Thanks Monica，
摸摸個袋哎駛剩八個幾咋，
蝕埋份糧添呢次衰左啦！
2.急流勇退
作詞：許冠傑
作曲：許冠傑
名成利就人人想擁有，誰料此刻祇嚮往自由，
留住這光輝，今天不再等候，
奮勇地退出這急流。
求名逐利時常多爭鬥，嚐盡圈中的歡笑淚流，
人在那高峰，始終都不免跌後，
長日擔憂心神倦透。
不奢望天長地久，祇要是曾經擁有，
今天內心感足夠，應走時候決定放手。
至愛知音感謝你恩深厚(Thank you)，
離別依依不忍再望轉頭(Goodbye)，
期望你記住我，今晚分手以後，
從舊歌中心靈互扣。
期望你記住我，今晚分手以後，
從舊歌中心靈互扣。
3.做個自由人
作詞：許冠傑
作曲：許冠傑
命運，像佈下迷陣，我已覺被苦困，彷彿蒼天專作弄人，
不甘，短促一生，滿是壓抑悲憤，籠牢期望獲破開，不再被禁。
浩氣在沸騰，熱血在沸騰，我誓要衝出黑暗，跟專制鬥爭，
願竭盡我能，用正義抗衡，憑著滿身衝勁，誓要奔向夢想那綠茵，
自由人，做個自由人。
艱辛，我願承受，那怕血汗濕透，人人應該享有自由，
現在，是發動時候，我願獻出所有，人權如望獲到手，必須繼續鬥。
4.兩個寂寞人
作詞：許冠傑
作曲：許冠傑
從前是一個我，落拓消極人，迷途在黑暗裡，
始終都孤影隻身，同樣地一個你，共我人海裡互引，
涼冰冰的世界，如今皆因我倆，變得暖薰薰。
今晚這個世界，已經減少兩個寂寞人，呀……
與共抹失意淚痕，倍覺舊創傷全沒要緊，
今晚這個世界，已經減少兩個寂寞人，呀……
與你讓微風襟裡慘，浪漫情詩首首押著韻，
齊共醉夜雨中挽手飛奔，癡癡抱緊。
從前未找到你，日子多灰暗，柔情目光照亮我，
此刻感光輝遍心，唯求共處永遠，共你情心永互印，
童話般境界裡，留低歡欣腳印，每天也繽紛。
5.半斤八兩
作詞：許冠傑／黎彼得
作曲：許冠傑
我呢班打工仔，通街走糴直頭係壞腸胃，
搵個些少到月底點夠洗(奀過鬼)，
確係認真濕滯。
最弊波士郁發威(癲過雞)，
一味係處係唔係亂吠，
嗡親加薪塊面拿起惡睇(扭下計)，
你就認真開胃。
(半斤八兩)做到隻積咁樣，
(半斤八兩)濕水炮仗點會，
(半斤八兩)夠薑鎗走去搶。
出半斤力，想話番足八兩，
家陣惡搵食，邊有半斤八兩咁理想(吹漲)。
我呢班打工仔，一生一世為錢幣做奴隸，
種辛苦折墮講出嚇鬼(死俾你睇)，
咪話冇乜所謂。
(半斤八兩)就算有福都冇你享，
(半斤八兩)重慘過滾水淥豬腸，
(半斤八兩)雞碎咁多都要啄。
6.亦算是緣份
作詞：許冠傑
作曲：許冠傑
曾經共你是對小情人，時刻共對，話過永不分，
童真夢句，未染過風塵，世事明日那變更，已不想多問。
時光掠過共你分頭行，難得復聽，是你的聲音，
曾經遇上，代替你的人，無奈你在我心內，已深深烙下印。
人海中有千百萬人，為何只接受你的吸引，
每一顆心，不必再問，是你的最純真，
人海中有千百萬人，為何只珍惜你的擁吻，
我苦苦等，深相信有日，定再跟你同行。
如今共你又並肩凡塵，情感未變，像往昔繽粉，抬首望向，
夜裏閃閃星辰，能共你又再親近，亦算是緣份。
7.為妳
作詞：詹惠風
作曲：許冠傑
為妳情心一早已獻
情共愛添心間溫暖
願妳情相牽
始終相守相勉
誓約山盟今生永存
為妳從今不講再見
長伴裙邊永共纏綿
願妳同相依
每天朝晚得見
莫再分離相思寸寸
渡過困苦 情義倍添
要共尋理想心更堅
就算理想 如夢似煙
但期望我倆愛今莫變遷
為妳從此相處永遠
同命鳥恩愛年年
願妳長相斷
始終癡心一片
萬縷真情今生永莫變
8.我愛你
作詞：許冠傑／黎彼得
作曲：Perretti-Creatore-Weiss
柔情無恨我愛妳，講真心，我與妳相依相親，
論富與貧不應分，真心真意就合襯。
手執鮮花親送贈，永遠與妳兩心印
千金一刻多接近，濃情厚意喜不禁。
喁喁情話我愛妳，我的妹妹，
咦！真係骨都痺，唉哂心機，
咪咁佻皮，我叫鬈毛飛，
應該走去做大戲。
將心比己休顧忌，咪再鬥氣要講理，
開開心心祝我地，做對鴛鴦水中戲
情人其實我愛妳，不相欺，我與妳不分尊卑，
共等佳期，雙于飛，不分朝晚侍候妳。
人如燕飛，同諧連理，一生一世伴著妳。
人如燕飛，同遊同戲，今生今世伴著妳。
9.往事
作詞：許冠傑／黎彼得
作曲：Trpper-Bennett
往事，在我心裡湧現，
往事不勝憧憬，徒令五內撩亂。
往事，逝似天際閃電，
往事空添懷想，人事息間萬變。
愁對明月再圓，柔腸若結心境千百轉，
縱懷萬縷言，難令故夢重現。(無奈往事化煙)
往事，令我朝晚思念，
往事不堪回首，遺下悽酸恨怨。
10.心裡日記
作詞：林振強
作曲：許冠傑
夜之中，喜愛倚星塵，從頭重讀我的心裡日記，
遲遲才去睡，原因每頁都有你。
你是我全部往惜往年，也是我來日每一天，
這日記由從前寫到目前，篇篇是愛言。
願心中那日記隨年變厚，而當中的角色從無分手，
齊編織歡笑聲和諧詩篇，為彼此抹掉愁是暖的手，
願心中那日記長無暖透，藍灰灰的冷冬，黃黃的秋，
而當中的雨顆紅紅的心，在戀火裡逗留。
人海中，只愛你一人，為何如是我不願說道理，
旁人難細道，藏於我內心那日記。
11.話知你９７
作詞：許冠傑
作曲：許冠傑
我話知你９７
其實駛乜驚到求神又拜佛(大喊十)
已經胃酸過多夾風濕(重有久咳)
成日閉翳實聽喫弗得(重快執笠)
＊未有耐到９７
手拿起枝筆數o下二千零廿八日(駛乜急)
已經預o左冇法走得甩 (又冇SHORT CUT)
移民外國亦係聽糟質
＃咪匿o向屋企 速速CALL機
CALL班知己 睇番齣無厘頭攪笑戲
卡拉ＯＫ 堆樽拔蘭地 HIGH HIGH o地
高聲亂唱再去旺角打機
＋買份八卦雜誌睇o下大姐媚
及o下邊個整容後揚威選美
明日懶鬼理 最緊要依家HAPPY
話知佢死
％我話知你９７
其實香港適應力強未嚇窒(好鍊得)
斷估或者到o左９７(又變o左乜)
繁榮盛世度度有金執
重唱 ＊,＃,＋,％
斷估或者到o左９７(實刮多筆)
人人暴發 MY FRIEND GOOD LUCK
(GOOD LUCK, GOOD LUCK, GOD BLESS 1997 阿彌佗佛)
12.無情夜冷風
作詞：許冠英
作曲：許冠英
無情夜冷風，吹散熱情夢，
含淚對孤燈，癡心錯恨種。
情緣如霧散，戀愛多變幻，
獨念往日情，悽酸透心間。
懷人空悲嘆，悵惘心冷淡，
月夜暗自彈，傷心滿淚眼。
無情夜冷風，憶往日情重，
離別燕分飛，相思已斷送。
13.天才白癡往日情
作詞：許冠傑／薛志雄
作曲：許冠傑
痛別離，惜分飛，緣份一朝忍心拋棄，
往日情未泯，泣咽悽聲怨蒼天太狠。
鳥倦還，影孤單，無奈美夢頃刻吹散，
往日情未泯，泣咽悽聲怨蒼天太狠。
暴雨中，相親相與共，夢已空，太匆匆，
淚暗湧，偷偷心底送，遍地紅葉怨秋風。
再會難，呼不返，寒夜對月幾番嗟歎，
往日情未泯，泣咽悽聲怨蒼天太狠。
14.搵野做
從前有個人叫莫大毛
日日攤響屋企等米路
神神化化作風虛無
又唔願剃鬚 (從成日去賭)
窮途意冷走去問前途
但願仙家指點三兩度
如何有法變得富豪
望黃大仙能預告 (呢枝簽話呢)
＊拿拿聲即刻走去搵做
人必須知道自己既用途
唔去奮鬥 人咪望有酬勞 (NO NO NO NO)
想搵錢應該快手 COME ON LET'S GO
＃著著聲即刻走去搵做
人必須旨意自己創路途
快去奮鬥 你實會攀得高
你要坐BENZ靠自己個腦
連隨悔覺好個莫大毛
立業興家終於走正路
榮華富貴靠刻苦耐勞
漸漸年事已高 (成就更高)
同時見個仔阿莫二毛
日日攤響屋企等米路
連隨秤佢起身搏命熬
話黃大仙曾預告
重唱 ＊,＃,＊,＃,＊
15.杯酒當歌
作詞：許冠傑／黎彼得
作曲：許冠傑
我時常清風兩袖，吊兒郎當最自由，
但得有三餐足夠，為人樂觀好少掛憂，
咪彈人貪新厭舊，愛情如海市蜃樓，
問天賜幾許佳偶，離合悲歡定必有。
飲番杯冰凍啤酒，高歌一曲氣量厚，
無謂再去為情悔疚，你盞心罨心個嬲，
我懷疑天邊宇宙，有神靈管轄地球，
實應要睇通睇透，成敗得失莫追究。
大家要睇通睇透，成敗得失莫追究。
16.心思思
作詞：林振強
作曲：Terry Britten／Lynsey Depaul
她使我心裏沒法靜止，難專心一意地去辦事，
開始不知怎擦去筷子，無力再控制我四肢。
真想與她抱著過日子，而不想早晚獨對電視，
可惜她不知我的構思，從沒有注意這漢子。
(長期在心思思)永遠單思，(心思思)晚晚咬手指，
(心思思)冇哂 Face，(心思思)她始終不知。
她使我消瘦漸變樹枝，和憂鬱得似玉置浩二，
真想登篇廣告於報紙，詳述四百次我意思。
(長期在心思思)永遠單思，(心思思)愛到線都黐，
(心思思)猛咬草紙，(心思思)她始終不知。
(我開始)尋找中醫與西醫(Why)願醫好我癡，
(中西醫)東指指，西指指，
都醫不好我的癡，今晚只有一再。
17.跟佢做個 Friend
作詞：許冠傑
作曲：許冠傑
跟佢做個FRIEND，驚都咪駛驚，我要執得好正，
靚衫反起領 UN UN 下，似足掌艇。
跟佢做個FRIEND，把口要好聽，讚佢生得好靚，
對佢打雀咁眼，拋到手仔我就靈。
認真羅命，認真羅命，愈見得多佢佢愈正，
買隻戒指鑲番粒讚石，唔話佢聽，
認真羅命， 認真羅命，問我點解冇放大鏡，
唉！佢話嫌細夾阻佢 DENG。
跟佢做個FRIEND，FRIEND 過打 BAND，佢唱歌聲好靚，
我結他甩左柄，兩個跳舞認真搶鏡。
跟佢做個FRIEND，驚親兩份驚，有雨查緊遮柄，
咪個沙煲亂掟，知己可以做成。
認真羅命， 認真羅命，見得多佢佢愈正，
教佢查車搵戲黎做，除笨有精，
認真羅命， 認真羅命，望見Ｄ彎佢猛亂掟，
唉！我連隨嗌阿媽救命。
跟佢做個FRIEND，WALKMAN 兩份聽，去咖啡灣掌艇，
再轉車出粉嶺，兩個喫哂一打西餅。
18.摩登保鑣
作詞：許冠傑／黎彼得
作曲：許冠傑
＊香港o的飛仔打劫好新潮
o下o下都出o的怪招
出親街金錶火鑽好招搖
最怕有咁o巖得咁橋
＃你實在要請保鑣 諸君咪話無聊
若係有o左保鑣 你會無曬騷擾
一枝公煲煙睇戲好他條
會有把刀仔插腰
書院女青春可愛好嬌嬈
抨佢上車一於照標
重唱 ＃
＋古裝片都講o的保鑣
四處押貨戰血染山腰
替顧客消災 威名遠耀
％家陣o的摩登保鑣
個個搏殺對你更關照
你要坐穩轎 請番個摩登保鑣
重唱 ＃,＋,％,＊,＃
摩登保鑣 無曬騷擾 (x2)
摩登保鑣
19.何處覓蓬萊
作詞：許冠傑／黎彼得
作曲：許冠傑
心響往蓬萊，想身處蓬萊，
仰望蓬萊所在，似被浮雲掩蓋。
想找到蓬萊，偏不見蓬萊，
遍歷人間世外，費盡勞力錢財。
遙看天邊飛鳥，原野夕陽照耀，
頓覺寧靜舒泰，恨怨漸似開解。
方知卻原來，不必盼蓬萊，
已是埋藏心內，蓬萊就是愛。
20.知音夢裡尋
作詞：許冠傑／黎彼得
作曲：許冠傑
星星會明白我心
早知戀愛盡憐閔
誰料此際被情困
想伊人空抱憾
春色醉人夜已深
結他輕奏別離韻
盟誓毀碎淚難禁
嘆息知音夢裡尋
亂我心思傷透神
舊愛竟貪新
腸斷那堪風陣陣
悽怨倩誰問
街燈已殘月暗昏
惋惜空記熱情吻
徒自追索綠雲鬢
嘆息知音夢裡尋
21.加價熱潮
作詞：許冠傑／黎彼得
作曲：De Knight-Freedman
你怕！我怕！個個怕！
煙加！酒加！屋租加！
巴士加！的士加！多士芝士乜都加！
加！加！加！加！加！
糖又加！鹽又加！
成日咁加任佢話！其實無他！
你住人屋宇下，佢梗收買路錢挪兩渣，
買佢怕！買佢怕！要加就加！總之慣啦！
牛油又加！蠔油又加！
燃油又話每「卡」七個六，其實無他，
佢石油多到極，可惜真金白銀貶曬值，
冇法啦！冇法啦！佢加就加！都由佢啦！
紅荳沙！茶葉渣！
全部要加慘到極，陀累全家，
靠份糧點夠食，卒之查到鼓油都冇滴，
夠啦卦！夠啦卦！咪枕住加，喂！好啦卦！
時時話加！年年話加！
無盡咁加趕到絕，求助哪吒，
我望能生對翼，即刻飛上月球再搵過食，
就冇有怕！冇有怕！佢加就加！拜拜啦！(加加加……) (怕怕怕……)
人人話加！頻頻話加！
成日咁加任佢話，其實無他，
我做人多說話，係Ｄ加價熱潮風氣下，
八下卦！八下卦！發起爛渣，谷鬼氣嘛！
22.春夢
作詞：許冠傑／黎彼得
作曲：許冠傑
多少話，皆春夢，
情路片刻欣逢，相思暗種，
桃紅笑春風，綿綿情意重，
於今隻影空對煙雨濛濛。
多少恨，皆春夢，
回味往昔癡纏，深恩錯送，
情緣兩皆空，良辰難再共，
癡癡對窗忽覺秋意漸濃。
黃葉眼前飄飄露珠掛簾攏，
徒令滿懷悽愴往事成幻夢，
逝似一江春水漸漸東去，
故地懷舊暗悲慟。
多少淚，皆春夢，
寒夜滿天星辰點點惹恨痛，
梧桐怨秋風，無從見芳蹤，
追憶美景春去鬱結重重。
23.麻雀耍樂
作詞：許冠傑／黎彼得
作曲：Russell
留二索扣六索，一摸三七索，再卒一九五八認真泡，
求六索上二索，認真化鬼學，諗起卡窿巖巖一講就，
轉下手摸一索等黐三索，甩巖七索叫六九索，
求六索有六索敲崩檯角，呢鋪真係代表咯。
最鬼憎係屋企咁寂寞，去猛搵腳兩頭騰 成日頻撲 ，
砌幾圈我身心最快樂，無本我照落埸 打親梗係主角。
甩到手軟起哂泡，兼側側膊，將地骰仔猛咁卜，
頭又重氣又索，口乾頸渴，幾大死做死搏。
叫碗粥，打通宵再直落，唷地野定定神疲倦唔覺，
咬口煙，拿鋪牌猛咁度，個袋帶定藥油，一於搵命仔搏 。
甩到手軟起哂泡，兼側側膊，整包花生猛咁剝，
人人食到滿地殼，好似七國，打得真係爽咯。
24.佛跳牆
作詞：許冠傑／黎彼得
作曲：Blackwell
咁又茶樓齊共上，良朋談動向，
花彫「Dep」幾兩，閒來尋樂暢，
叫煲佛跳牆(佛跳牆)，炆得咁鬼香。
計起就完全唔係貴，翅肚能潤肺，
鮑參炆光雞，髮菜同玉桂，
配料落到齊(落到齊)，認真冇得揮。
肥佬黎，倒眼輝，
潺仔威，軟腳龜，擦啦喂。
夾起連隨搽辣醬，確係怡神顏又養，
一於搵手搶，完全唔異相，
有福大家享(大家享)，駛乜咁緊張。
成班友一味啄，
擒擒青一味啄，唔怕肚漲。
佛跳牆，炆得咁鬼香，
見到佛跳牆(佛跳牆)，鬼都要裝香，
超級佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香，
正宗佛跳牆(佛跳牆)，炆得咁鬼香，
見到佛跳牆(佛跳牆)，鬼都要裝香。
25.飲勝
作詞：許冠傑／黎彼得
作曲：許冠傑
飲勝，飲勝，大家飲杯勁，將所有事當係零，個腦就平靜，
飲勝，飲勝，就冇心火盛，公司既事要暫停，興到就盡情。
整多兩 PEG 加塊冰，模杯底論事情，
講女人，傾馬經，開心Ｄ飲杯勝。
飲勝，飲勝，大嗌急口令，亂講話最忘形，有錯亦唔認，
飲勝，飲勝，大跳扭扭擰，七分醉扮有二成，認真高鬼興。
飲勝，飲勝，亂咁通街 FING ，灣仔當係秀茂坪，我腳步唔定，
飲勝，飲勝，仲有些少剩，累響馬路當露營，車瓜都飲勝，
飲勝，飲勝，就冇心火盛，拋開怨恨唱莫停，世界就和平。
26.最佳拍檔
作詞：許冠傑
作曲：許冠傑
你名叫「叮噹」，個樣似蜜糖，平易近人清新開朗，
我名叫 KING KONG，個款似 JAMES BOND，最佳拍檔。
咖啡你沖水，我加奶落糖，你洗衫我將Ｄ衫燙，
我幫你搵錢，您幫我清倉，最佳拍檔。
有乜野衝撞，您跟我不妨，拋開顧忌坐低講，
你需要幫忙，我梗會幫忙，點樣辛苦都冇相干。
您晌我身邊，我不再徬徨，兩家一對膽都壯，
我一切擔當，您不會驚慌(您可以心安)，最佳拍檔
我地係最佳拍檔，永遠係最佳拍檔。
27.傀儡
夜夜獻歌調 電結他手中弄隨樂韻搖
台下滿觀眾紛紛拍手呼叫
五彩歌衫被銀燈照
為大眾閃耀 又唱出溫馨愛調隨樂韻搖
忘掉了心中抑壓抑首歡笑
你總不知是籠中鳥
＊傀儡 求名利一世做工具
甘於置身虛幻夢裡全力去追
＃傀儡 求名利一世做工具
他朝跌倒 可憐寄望誰
重唱 ＃
但願你閃耀 願你歌聲飄遠地傳萬里遠
能令世間知音者倍添歡笑
你的光輝像陽光照
重唱 ＊,＃,＊,＃,＊,＃
28.天才與白癡
作詞：許冠傑／薛志雄
作曲：許冠傑
呢個世界上，有精仔、有懵仔、有叻仔、散仔、賭仔、重有戇居仔，
有衰仔、有好仔、反骨仔、癲仔、蠢仔重弊過敗家仔，
細蚊仔、臭飛仔、招卿仔、靚仔、打仔亂咁出刀仔，問你點敢亂生仔。
邊個係天才(天才)，邊個係白癡(白癡)，
扮懵定蠢才，冇咁易會知(阿茂至知)，
天才與白癡，你黐定我黐，天才與白癡，冇咁易會知，天才與白……癡。
呢個世界上，有冤鬼、有嘩鬼、有奸鬼、賭鬼、盞鬼、重有鹹濕鬼，
有衰鬼、有煙鬼、攝青鬼、生鬼、撞鬼撞著個冒失鬼，
醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。
乜鬼係天才，乜鬼係白癡，扮懵定蠢才，冇咁易會知，
天才與白癡，你黐定我黐，天才與白癡，冇咁易會知，天才與白……癡。
呢個世界上，有堅、有流、有精、喎、喳、重有大鑊，
有衰、有好、有筍、貴、賤、最劃忌就賴，
醒胃、林嬸、正斗、靚、傑、最爽就撈粗，確係認真唔少。
乜係天才，乜係白癡，扮懵定蠢才，冇咁易會知，
天才與白癡，你黐定我黐，天才與白癡，冇咁易會知，
天才與白癡，天才與白癡，天才與白癡。
29.雙星情歌
作詞：許冠傑
作曲：許冠傑
曳搖共對輕舟飄，互傳誓約慶春曉，
兩心相邀影相照，願化海鷗輕唱悅情調。
艷陽下與妹相親，望揩白首永不分，
美景醉人心相允，綠柳花間相對訂緣份。
心兩牽，萬里阻隔相思愛莫變，
離別悽酸今朝似未見，明日對花憶卿面。
淚殘夢了燭影深，月明獨照冷鴛枕，
醉擁孤衾悲不禁，夜半飲泣空帳獨懷憾。
30.甜蜜的往事
獨回味甜蜜的往事 我共你綠野中散步
綿綿情意 你輕執起一節樹枝 在松樹塗劃-「愛」字
你仲會用個心括住 柔情無限 百般心思 使我會意
你話逢失意時 此心會為我醫
我若然心變時 此心會你話知
願留住甜蜜的往事 幻夢裏共你喜再遇
綿綿情義 你輕執起一塊石子 在岩石塗劃-「愛」字
你又試用個心括住 柔情無限 百般心思 體貼盡致
31.難忘您
作詞：許冠傑
作曲：許冠傑
當天分手，是我怪錯了您，
一聲 Goodbye，然後各也不理，
離別後才知道，無論我怎樣也難忘您。
難忘您的姿態動靜，略帶憂鬱的一雙眼睛，
難忘記您的淺笑，像春天，像陽光照，
和那離別匆匆的背影。
每天把臂漫步，夜看星星一粒粒去數，
難忘記您的擁抱，在雨中狂然起舞，
和您常伴我心曲細訴。
難忘您對我那種體貼入微，
時時刻刻腦海中都僅記，
愈想忘掉您，愈難忘掉您，
我悔恨，我悔恨，我悔恨把您欺！
為何每天感到乏味？為何夜裡輾轉傷悲？
曾話過再也不想您，但到今天仍忘不了您，
其實我還是深深愛著您。
32.這一曲送給您
作詞：許冠傑／黎彼得
作曲：許冠傑
如果君心裡，常覺有顧慮，前景感到崎嶇，
人生有若遊戲，他朝總有轉機。
如果君心碎，常暗自下淚，何必感歎唏噓，
還希你莫嫌棄，這一曲送給您。
我願能助您鬱結消除，結伴同尋新樂趣，
我願憑樂韻解君寂寞，此曲望您惜取。
如果君他去，惆悵未入睡，難堪枕冷空虛，
還請您夢鄉僅記，這一曲送給您。
33.同舟共濟
作詞：許冠傑
作曲：許冠傑
我與你同坐這條船，無情浪把它猛捲，滿天風雨，
視野未能見，亂作一大團，不知怎算。
既決意留在這條船，齊齊令它不遭破損，困境挑戰，
奮勇地面對，令到這條船，永不翻轉。
香港是我心，一顆不變心，實在極不願，移民外國做二等公民，
必須抱著信心，把基礎打穩，盡力地做我本份，定能突破戰勝黑暗。
破鏡明日定會重圓，時局定必得好轉，懷著希冀，
再創造時勢，令到這條船，永久溫暖。
香港是我家，怎捨得失去它，實在極不願，移民外國做遞菜斟茶，
緊緊抱著結他，傾出這心裏話，但藉著這番話，齊齊共發洩一下，
但願日後獅子山下，人人團結，永不分化。
34.錢會繼續黎
作詞：許冠傑／黎彼得
作曲：Wayne-Reichner
＊米貴 冇乜問題
諗計 咪懵懵閉
喥掂 就要發威
o的錢就會繼續o黎
＃冇米 隻雞就啼
撞鬼 咪巴巴閉
焗住 就殺隻雞啦
o的錢係會繼續o黎
過節送禮立定例
水鬼陛隍靠老細
你咪猛呻命運滯
要打基礎 MUN紅毛泥
冇計 咪鬼食泥
駛錢 當交水費
在下 奉勸各位
o的錢係會繼續o黎 (x3)
重唱 ＊,＃
老友咪個論地位
駛乜孤寒詐詐諦
駛得開心應該駛
死慳死抵 想人提攜呀
咪制 你想入圍
冤鬼 咪懶經濟
萬事 係放遠睇
o的錢係會繼續o黎 (x4)
35.相思萬千重
作詞：許冠傑／黎彼得
作曲：許冠傑
聚也匆，分也匆，匆匆仿似夢，
癡心空枉種，相思萬千重。
夢暗通，心暗通，追憶相與共，
秋波輕輕送，款曲付彩虹。
淚眼漸覺迷濛，月明又掛空，
過去待我刻意侍奉，以往共妳恩深義重，
那日再得喜相逢。
是已空，非已空，不堪憶故夢，
今宵空悲痛，相思萬千重。
36.先敬羅衣後敬人
作詞：許冠傑／黎彼得
作曲：許冠傑
寧願少喫餐，時裝錢咪慳，就算水乾幾大要撐，
如果識著衫，泥充正班，做亨通包冇話難。
人人無論富或貧，都要曉得裝身，
只要著得好款開聲屋都震，有冇現款冇人問，
皮鞋明亮冇滴塵，記住領呔花要新，君見否尖沙咀通街光棍，
皆因先敬羅衣後敬人。
寧願少喫餐，時裝錢咪慳，就算水乾幾大要撐，
名廠 PIERRE CARDIN 來路出產，任我點揀都冇話煩。
人人無論懶或勤，都要曉得裝身，
睇你衣冠不整差佬都蚊警棍，當你係賊要盤問，
注重洋服流行，記住買樓皮要真，希爾頓摩囉差都講聲 WELCOME，
皆因先敬羅衣後敬人。
37.鐵塔凌雲
作詞：許冠文
作曲：許冠傑
鐵塔凌雲，望不見歡欣人面，
富士聳峙，聽不見遊人歡笑，
自由神像，在遠方迷霧，
山長水遠未入其懷抱，
檀島灘岸點點燐光，
豈能及漁燈在彼邦？
俯首低問何時何方何模樣，
回音輕傳此時此處此模樣，
何須多見復多求，
且唱一曲歸途上，
此時此處此模樣，此模樣。
38.夜半輕私語
作詞：許冠傑／黎彼得
作曲：許冠傑
千般相思似毛毛雨
抑鬱苦惱一於作首詩
寫遍艷麗言詞合妳意
藉以表心癡
執起張紙卻恨無語
心聲傾訴實在唔容易
依稀往事言猶在我耳
望妳解深意
胡言亂語更多錯字
總之倆心知
全無異志吐出心事
祗盼望知曉意思
深宵追憶會亂神智
怎許相對有若籐纏樹
衷心暗示祈求諒錯處
夜半輕私語
39.尖沙咀Susie
作詞：許冠傑／黎彼得
作曲：許冠傑
有佢咁靚時冇佢咁夠盞，尖沙咀 Susie 點止咁簡單，
樣貌與身材 Good fit 夾耀眼，想搵多個都幾難。
佢要有型個性最好玩，出名鍊車王青山鬥片彎，
日日喫幾籠蝦餃當食晏，思想開放，好識嘆。
尖沙咀 Susie 駛乜憂兩餐，佢老竇勤力慣，街市賣鴨蛋，
尖沙咀 Susie 屋企多靚衫，橙溝綠，米襯藍，套套惹火搶眼。
佢碰見猛男對眼會猛咁眨，風騷兼銷魂乜都笑一餐，
密密去 Disco 通宵到達旦，攬身攬勢都好閒。
有佢咁野蠻冇佢咁夠膽，尖沙咀 Susie 死都坳番生，
但望亞 Susie 光陰咪亂散，青春一去空悲嘆。
40.十個女仔
作詞：許冠傑／黎彼得
作曲：許冠傑
十個女仔九個認細，明明係老佢話唔係，
三張幾野紮起辮仔，青春美麗就冇失禮。
十個女仔九個浪費，時時換季已係成例，
身光頸襯靚襯起好睇，錢亂 fing 為顧身世。
十個女仔九個實際，人人恨嫁富裕門第，
小妹選婿要講家底，屈居妾侍亦冇乜計。
十個女仔九個話咪，明明係制猛話唔係，
想討好佢老鼠拉龜，一味作狀扮哂矜貴。
十個女仔九個玉砌，情懷善變確係文藝，
郁Ｄ都會發起郎黎，一出眼淚就要安慰。
望女仔續個睇眼厲厲(眼厲厲)，燕瘦環肥大細樣樣齊(樣樣齊)，
男仕實在要感激上帝(Hallelujah)，皆因女仔使你意亂情迷。
41.財神到
作詞：許冠傑／黎彼得
作曲：許冠傑
財神到！財神到！好心得好報！
財神話！財神話！搵錢依正路！
財神到！財神到！好走快兩步，
得到佢睇起你，你有前途，
闔府慶新喜氣盈盈，齊賀你多福蔭壯健強勁，
又祝你今年慶獲榮陞，朝晚多多歡笑錦繡前程。
願夫婦恩愛體貼入微，成日有吉星照百事無忌，
共親友相見講話投機，充滿新春喜氣歡暢揚眉。
賀所有鴛侶花結並頭(結並頭)，
還望各位工友百業成就(有成就)，
大家冇爭鬥快樂無憂(樂無憂)，
聽隻歌輕鬆，拋卻恨愁。
大眾慶新春，望財神到！
42.這一種感覺
作詞：許冠傑
作曲：許冠傑
這一種感覺問我怎麼去形容，竟不知不覺被它深深操縱，
這一種感覺令人心急速的跳動，歡欣滿面如沐春風，
這一種感覺令我消失了倦容，整天的工作亦覺得一身輕鬆，
這一種感覺像存心把我戲弄，冬天已近還未知凍。
妳會話是我心理作用，就算解釋妳恐怕難會懂，
唯願，願我可永伴妳，永遠身處這感覺之中。
這一種感覺像猛火一片熊熊，像風的奔放又似水波般洶湧，
這一種感覺像場溫馨的美夢，祗感快樂忘盡苦痛，
這一種感覺像法寶的確唔同，令膽小的我又變得相當英勇，
這一種感覺像漩渦把我轉動，不可理喻難料得中。
43.那裡是吾家
作詞：許冠傑／黎彼得
作曲：許冠傑
足跡遍天下，看透異國繁華，
桃源仙境似夢也，始終找不到吾家。
安居似虛話，遠處密罩雲霞，
何時一朝見霧化，子孫歡笑艷陽下。
啊！萬千燈火透廣廈，
啊！那裏是吾家。
44.宇宙無限
作詞：林振強
作曲：Donald Ashley
星空可有一對手，承擔起這沒邊緣宇宙和運轉地球，
空中可有雙眼睛，由開始已在星河背後遙望這地球，
誰掌管世間目前以後。
當仰觀星星掛於天的幕帳，頓然自覺像塵末那樣的有限，
我敬畏實在是誰創造無限，那遠處像是暗藏制度和變幻
天空可有天殘舊，無聲的跌墜星河背後人類與地球，
能否相見於萬年以後。
當仰觀星星掛於天的幕帳，頓然自覺像塵末那樣的有限，
海與山謙卑靠於風的臂彎，問誰令宇宙無限宇宙無限，
人在世有太多私心與紛爭，似不知一切輕重如毛造的針，硝碎像塵。
45.一水隔天涯 ／ 愛你三百六十年
妹愛哥情重 呢句話係發o翁風
冇銀點情重 唔通成世褲穿窿
梗係一水隔天涯 皆因水冇就涯窮
真水得場夢 咪話妹佢冇陰公
麵包都幾毫一件 唔通成世YAK西風
梗係一水隔天涯 皆因水漏就唔同
千萬家財多有味 無肉無柴真堪悲
咪話妹佢唔捱意氣 肚不飽時冇心機
預計將來用 所以妹佢要數籠
莫怨比金錢弄 唯有快手Ｄ搵籠
因為一水隔天涯 搵倒水你就唔同
搵倒水你就唔同
不要愛你三百六十五天 三百六十五天只有一年
愛你怎麼能夠愛得這麼短 只愛一兩年
不要愛你三百六十年 壽星公也不可過活一百年
如果愛你一定要愛幾百年 我怕早已升了天
看著你看著你 太多會厭
愛著愛著你 愛得太淺會變
要不厭不變 我左計右算只好愛你六十年
不要愛你三百六十五天 也不愛你三百六十五年
不愛一年也不愛你幾百年 我只愛你六十年
46.梨渦淺笑
作詞：許冠傑／黎彼得
作曲：許冠傑
梨渦淺笑 可知否奧妙
寂寞心鎖暗動搖
魂消魄蕩身飄渺
被困擾 怎得共渡藍橋
梨渦輕照 映出花月調
但望相看慰寂寥
時刻與共享分秒
願折腰 今生效同林鳥
梨渦淺笑 似把君邀
綺夢輕泛浪潮
春宵猶未覺曉
梨渦雖俏 悲歡竟逆料
樂極癡戀變恨苗
情絲寸斷一朝了
夢已消 花依舊玉人杳
47.夜夜念奴嬌
作詞：許冠傑／黎彼得
作曲：許冠傑
夜夜念奴嬌，輕輕把名叫，
心中一諗起，溫馨的歡笑，可解我寂寥。
夜夜念奴嬌，即刻陰陰笑，
心中一諗起，火般香吻妙，我會眼眉跳。
無論時分秒，想起妳就發燒，
回味妳笑也妙，喊也妙，我就煩悶也消。
諗起初介紹，心中卜卜跳，
與妳看月耀，開心不得了，韆鞦倆共搖。
夜夜念奴嬌，癡得好緊要，
相思知多少，初戀真美妙，愛意像狂潮。
48.最緊要好玩
作詞：林振強
作曲：許冠傑
人其實天生奔放貧玩，原沒有拘束只有笑顏，
悲歡我唔慣，追趕太陽似子彈。
乘坐穿梭機打個空翻，雲霧裏縛起雙腳跳欄，
威風似神探，追蹤愛神眼不貶。
我想攀登火山，執塊石頭用煎蛋，
其實開心好簡單，最緊要好玩。
我願抬著午夜明月對你單眼，星光之上扯起帳蓬與你浪漫，
我願停頓宇宙凝望你那雙眼，使你無從忘掉這魅力先生。
乘坐穿梭機打個空翻，雲霧裏縛起雙腳跳欄，
追蹤太陽去，不准太陽早交更。
我想踩三輪車，登陸月球賣牛暔飯，
其實開心好簡單，最緊要好玩。
其實我天生奔放貧玩，唔恨有獎品只要笑顏，
不須有人讚，只須我仍覺好玩，
不須有人讚，只須我仍覺好玩。
49.世事如棋
作詞：許冠傑／黎彼得
作曲：許冠傑
倉卒歲月，世事如棋，每局都光怪陸離，
驟晴驟雨，人事天天變，有喜亦有悲。
恩怨愛恨，世事如棋，每局都充滿傳奇，
若顰若笑，難辨心中意，似比幕前做戲。
苦衷拋萬里，今天慶幸有知己。
捉番盤棋共行樂，衝破內心藩籬，
張眼遠望，世事如棋，每局應觀察入微，
但求共你棋藝相比較，瞭解做人道理。
50.斷腸夢
作詞：許冠傑／黎彼得
作曲：許冠傑
編曲：許冠傑
心驚恐 燭影動 午夜殘月碎春夢
枕邊空 更深露重 問誰共
秋波湧 憶花容 翠袖搖曳暗低弄
酒千盅 空添苦痛 斷腸夢
故夢去匆匆 塞雁隔西東
情恨種朝思晚盼 一封音訊通
悲丹楓 惜飄蓬 遠望前路各珍重
哀苦衷 鐘聲飄送 斷腸夢
51.春夢良宵
作詞：許冠傑
作曲：Lobo
見您感到真銷魂，我已變到瘟瘟燉，
瀝瀝奴聲真嬌艷，但願共好緣盟。
快快去到妹跟前，我眼跳軟似觸親電，
雙雙傾心偷偷望，互遇恨晚始相見。
Baby！今宵相對共享，翩翩起舞共唱，春風吹進羅帳，
Baby！今宵相對共享，翩翩起舞共唱，與相親真歡暢。
痛痛快快真一流，你給愛意我心消受，
千金一刻享春夢，共度十世都不夠。
52.制水歌
作詞：許冠傑
作曲：Simon
又制水真正受氣，(又制水真冇樂趣)
又制水的確係無謂，
又制水今晚點沖涼，
成晚要乾煎真撞鬼。
OH! 真苦透呀老友，聽朝早起身，
搵定水桶半打，裝多水乜都假，
水緊真真冇修，快搵多水啦老友，
莫水真陰功，請保重。
又制水，夜街你都無謂去，
又制水，拍拖都冇話厘味，
又制水，妹佢怕我週身一陣除，
成晚要乾煎真正悲。
53.共妳常為伴
作詞：鄭國江
作曲：馮添枝
共妳常為伴，時時開心不會悶，
若果肯跟我相伴，在心中霸地盤，
共妳常為伴，成為忠中夥伴，
願意一起挽手渡，人生的一半。
共妳常為伴，求能開解心裡悶，
願可分擔妳心事，用真心作後緩，
共妳常為伴，求能將心交換，
打開心窗說真話，情感的不滿。
心中麻煩共苦惱，我願分一半，
幸運，甜蜜共快樂，努力為妳搬。
共妳常為伴，唯求今生不再換，
大家真心永不二，同敲快樂門，
他朝榮譽共歡笑，我願分一半，
日後行前或退後，我願讓妳管，
共妳常為伴，成為終身夥伴，
共妳一起進入人生快樂門。
54.我像一片雲
作詞：許冠傑
作曲：許冠傑
我像一片雲，隨風飄遠飄近，
南北西東，留低腳印，不知傷了幾遍心。
我像一片雲，誰知飄到妳身近，
明知不應，留低愛印，無奈已經情難自禁。
今天我倆是愛人，明天請不要多問，
此刻便已是永恆，只要愛得夠深。
我像一片雲，如今北風已吹近，
留低首歌，和一個吻，期望有天重彈舊韻。
55.父母恩
作詞：許冠傑／黎彼得
作曲：許冠傑
在世間飄泊，孤身彷似浮雲，心底裡每思親添百感，
父母恩千丈，一生把我護蔭，有若明燈驅黑暗。
念往昔恩義，好比天際慈雲，開解我赤子之心，
為我脫厄運，枕邊解我病困，更望神恩多指引。
父母恩，勝萬金，春暉寸草心，推衾送暖，舐犢情深，
盡孝守本份，此生遵照父訓，掛念慈親悲不禁。
56.莫等待
作詞：許冠傑
作曲：許冠傑
莫等待，光陰不會復來，
勿讓青春偷偷消逝去，莫等待。
莫等待，春風吹過暴雨來，
浪蝶應悔當初不自愛，莫等待。
別戀金縷衣，惜取少年時，
發奮上進不容遲，同聚今朝共立志。
57.我的心仍屬於您
作詞：許冠傑／黎彼得
作曲：許冠傑
共妳意見多分歧，事到予今不可再避，
子女在遊戲，全未瞭解雙親痛悲。
望妳對阿輝阿薇，倍加關心體恤佢地，
使佢地明理，咪把DADDY在心記。
情所鍾，妳未有相欺，何須多介懷是與非，
緣已盡，一早已預備，無奈我不忍拾離妳。
共妳此刻惜分離，各走一方分飛異地，
輕挽著行李，甜蜜往昔偏偏記起。
念八載枕邊恩情，說不出心中滋味，
怎去淡忘妳，我的心仍屬於妳。
58.追求三部曲
面撞面個妹釘帖確係人省鏡
望落順眼風姿綽藥夠標青
冒昧問句小姐你係叫乜名
HELLO 一聲 ALRIGHT 搞掂實靈擎
密密預藥海邊搏命齋撐艇
漫步綠柳花間結伴行山頂
會麵食o野三更半夜去餐廳
西裝筆挺衫領乾淨執到正
＊佢尊翁綽號包頂頸 (三寸釘)
屋企住茶果嶺 (瓦封嶺)
見我口輕輕 當我花靚倞
實在阿啦面幪兼心精
＃但願做對鴛鴦結合查篤撐
二萬賀禮鮑參翅席嫌錢腥
另外又要親戚派十擔西餅
一聽驚驚今次整定煲要掟
重唱 ＊,＃
一聽驚驚今次整定煲要掟
59.是雨？是淚？
作詞：許冠傑
作曲：許冠傑
滴滴雨點彷彿似流淚，滴在我冰冷的身軀，
看看手中那玉墜，家中的她已熟睡，
漸漸覺得眼眶濕遍，是雨？是淚？
舊日與她愛深沒愁慮，共渡困苦雨打風吹
今天的她怨受罪，不想把她再負累，
立定決心離家他方去，夜雨伴隨。
想起當初雙依雙對，心不禁唏噓，
想起當初一切夢想，破滅那堪追，
祝福她找得好鴛侶，不必再空虛，
但願她今生多歡趣。
道別我手中她的玉墜，便擲向街角的一堆廢堆，
抹去眼眶的雨或淚，再見我走了！您繼續睡！
就讓雨把往昔都衝去，莫怨恨誰。
60.瑪莉，我好鐘意妳
作詞：許冠傑
作曲：T.Romeo
＊打開我本日記 由前頭讀落尾
無時唔提及妳
次次喫飯嫌魚腥雞冇味
運動又冇心機 時時圍住唱機
首首歌都點俾妳
數理化唔願理 頻頻留堂罰企
見妳放學擒擒青僕崩個鼻
但係重笑咪咪 黐黐地由妳起
＃瑪莉 我好鐘意妳
妳妳妳 要有心理預備
因為我決心追瘦妳
妳妳妳 莫逃避
依家我含住被 仍然懷念著妳
每晚兩點搭四
我會發夢全海灘得我地
踏住浪跳飛機 手拖手食個梨
重唱 ＃
我要幾大幾大追到妳 決意厚面皮
日日夜夜搏命纏妳
一於死NGAI死LUR三覆被
冇曬法就賴死
重唱 ＃,＊,＃,＃
61.青春夢裡人
作詞：許冠傑
作曲：Tobias
共妳今朝見面，真個令我飄然，
但覺心慌意亂，今晚望再相見。
與妳夢中癡纏，燕侶手相牽，
暢快共遊夢裡仙園，陶醉愛海溫馨美屬眷。
夢裡花香吐艷，傾訴萬語千言，
共向星星訴願，相愛萬勢不變。
(我地今晚見)
62.紙船
作詞：許冠傑
作曲：許冠傑
路經海邊見隻小船，情人萬里心暗酸，
異鄉的她腦海湧現，如何把相思串。
拾起張紙摺隻小船，徐徐地放於水面，
靜心閉目許個願，船兒匆匆飄遠。
望船實踐我這個願，遙遙長路也不倦，
直去到她身邊，只求跟她一見。
若他終於見隻紙船，盤旋夢裡千百轉，
望她珍惜當中意義，齊齊把相思串。
63.等玉人
作詞：許冠傑
作曲：Elliot-Durand
正夜闌，碎夢殘，盼玉人，未見返，
記舊情，眼淚盈，怨負盟，獨對影。
愛海鴛鴦一朝變泡影，
對景孤單悲泣暗怨恨你負情。
愛已斷，暗自憐，往日情，恨變遷，
冷夜靜，怨薄命，隔異地，念愛卿。
愛海鴛鴦一朝變泡影，
對景孤單悲泣暗怨恨你負情。
對月誓，愛難忘，痛斷腸，淚已乾，
往日情，意萬重，嘆別離，夢已空。
愛海鴛鴦一朝變泡影，
對景孤單悲泣暗怨恨你負情。
愛海鴛鴦一朝變泡影，
對景孤單悲泣暗怨恨你負情。
64.天才白癡夢
作詞：許冠傑／薛志雄
作曲：許冠傑
人皆尋夢，夢裡不分西東，
片刻春風得意，未知景物矇矓。
人生如夢，夢裡輾轉吉凶，
尋樂不堪苦困，未識苦與樂同。
天造之才，皆有其用，
振翅高飛，無須在夢中。
南柯長夢，夢去不知所蹤，
醉翁他朝醒覺，是否跨鳳乘龍。
何必尋夢，夢裡甘苦皆空，
勸君珍惜此際，自當欣慰無窮。
何必尋夢。
65.浪子心聲
作詞：許冠傑／黎彼得
作曲：許冠傑
編曲：鮑比達
難分真與假 人面多險詐 幾許有共享榮華 簷畔水滴不分差
無知井裡蛙 徙望添聲價 空得意目光如麻 誰料金屋變敗瓦
命裡有時終須有 命裡無時莫強求
雷聲風雨打 何用多驚怕 心公正白壁無瑕 行善積德最樂也
人比海裡沙 毋用多牽掛 君可見漫天落霞 名利息間似霧化
66.Pretty woman
作詞：許冠傑
作曲：R.Orbison／J.Melson／R.B.Rush
PRETTY WOMAN 俾足一百分，
PRETTY WOMAN 種欸邊處玩，
PRETTY WOMAN Ｔ恤短褲貼實個身，我打雀眼，夾肉緊。
PRETTY WOMAN 幾大都要跟，
PRETTY WOMAN 我好比鬼上身，
PRETTY WOMAN 妳孤單一個，怕未結婚，
小生今年也未結婚(巖巖好！)。
PRETTY WOMAN 香噴噴，
PRETTY WOMAN 我手震震，口乾心跳，我實在情難自禁，
PRETTY WOMAN 請等等，
PRETTY WOMAN 我小姓尹，瀟灑英俊我直頭合襯。
跟妳遇上，我真夠運，可否約定妳，去新界食龍膽？
PRETTY WOMAN 終於肯轉身，
PRETTY WOMAN 我即刻抽曬筋，
PRETTY WOMAN 歪嘴個鼻崩，一碌起雙眼似林亞珍！衰運！
點解會跟正個鬼驅人？，實在正面要倒扣廿分，
一捉錯用神，破壞氣氛 ！認真破壞氣氛！
今次黑過黑面神 Oh, PRETTY WOMAN。
67.學生哥
作詞：許冠傑／黎彼得
作曲：Goldstein
學生哥，好溫功課，咪淨係掛住踢波，
最弊肥佬左無陰功咯，同學亦愛莫能助。
(肥佬左無陰功咯，同學亦愛莫能助)
學生哥，咪書咯，咪日夜掛住拍拖，
顧住十幾科，科科喎，面懵懵一肚火。
(十幾科，科科喎，面懵懵一肚火)
螞蟻亦要搵野食，唔做事確係無益，
少壯就要多努力，來日望自食其力。
學生哥，要思己過，唔係第日悔恨更多，
人之初，應知錯，唔自立就會捱餓。
(人之初，應知錯，唔自立就會捱餓)
學生哥，一個個，我地日日記住隻歌，
人多多，RE ME RE DO 齊合力喝伴同和。
(人多多，RE ME RE DO 齊合力喝伴同和)
68.知心友
作詞：許冠傑／黎彼得
作曲：許冠傑
共並肩看夕陽光輝千縷，遙望晚霞足以開解困憂，
恨與哀怨共仇不必追究，今天喜得一個知心友。
面對波折重重君休苦透，同渡困難應要甘苦永守，
若有衝突問題不須爭鬥，分析解決自然化恨仇。
我共您此心永互扣，好比音韻二重奏，
我共您不分老或幼，朋情柔柔共永久。
讓美景永長留花開錦繡，長互勉享歡笑乾杯美酒，
踏遍天下難求知心友，得到一個做人復何求。
69.打雀英雄傳
作詞：許冠傑／黎彼得
作曲：劉傑
六嬸，三太公，大眾開啦面似蓮蓉，
又放工，打餐懵，圍埋砌幾圈呀論英雄，誰是大英雄。
落手三隻東，度到巖都三叫二五六筒，
截正糊，真陰功，騰騰震嬲到面呀面都紅。
上下家，搏曬懵，依牙鬆槓斬眉斬眼打籠通，
係咁鬆，正衰公，難為要浸呀浸蛟龍。
亂咁質，真勢兇，學到足關帝座鎮華容，
恨滿胸，裹蒸粽，嗡嗡貢好似大呀大燈籠。
大相公，小相公，遇老千章法亂曬大籠，
食詐餬，包出沖，轉好似大呀大灰熊。
執左位，起個風，移燈換？洗手食煙熨櫃桶，
轉下運，確唔同，連隨喫幾舖我露呀露歡容。
混一色，碰七筒，一簡白板發財做眼槓紅中，
六八筒，叫卡窿，原來咁橋佢係呀係七筒。
掘尾籠，起勢攻，大四喜曬南北西東，
做牌，講天聰，頻頻滿餬我做呀做英雄，時勢做英雄。(大英雄)
70.大家跟住唱
作詞：許冠傑／黎彼得
作曲：許冠傑
大眾踩單車郊野上 良朋共享身心舒暢
互坦愛率相向 何必多想
大眾野火會山領上 油油綠草天生天養
漫舞輕歌 可以大家跟住唱
＊＊時時要玩番下 駛乜心都傷
日日要喜洋洋 無謂咁緊張
時時要輕鬆下 將清福享
日日笑口如常 就更加會命長
啦......
repeat ＊
就算有心想搵對像 何妨互相走入情場
共你一雙一對 攜手映下相
瀑布水花高飛百丈 潺潺自晌音韻悠揚
綠野青山遍 大家跟住唱
repeat ＊＊
71.印象
作詞：許冠傑／黎彼得
作曲：許冠傑
誰令我當晚舉止失常
難自禁望君您能見諒
但覺萬分緊張
皆因跟您遇上
誰令我突然充滿幻想
誰令我音韻腦際飄揚
撩動我內心愛情醞釀
為我撥開憂傷
找得失去樂暢
誰令我彷似初戀再嘗
我心中蘊藏 愛意千百丈
怎許相依戀 永遠心相向
結伴上天際 似燕子飛翔
雙雙去編寫動聽樂章
誰令我朝晚苦苦思量
長在我夢境永恆照亮
令我萬千猜想
分不清去向
留下了這個深刻印象
72.滄海一聲笑
作詞：黃霑
作曲：黃霑
滄海一聲笑，滔滔兩岸潮，
浮沉隨浪只記今朝。
蒼天笑，紛紛世上潮，
誰負誰勝出天知曉。
江山笑，煙雨遙，
濤浪淘盡紅塵俗世幾多嬌。
清風笑，竟惹寂寥，
豪情還賸了一襟晚照。
蒼生笑，不再寂寥，
豪情仍在癡癡笑笑。啦……
73.錫哂你
錫哂你 你乖乖地我實行錫哂你
倆家都拖到實隻手指尾
上去天棚放飛機
錫哂你 駛乜講我直頭錫哂你
我係屋企帶定個影相機
替你'手羅'景訓o向地
＊照顧你 因住冷親即刻Ｘ多張被
買o野質俾你食 郁Ｄ慌死你餓過飢
一於錫哂你 你乖乖地我實行錫哂你
你想搬乜我做你好咕喱
冷氣機都托得起
＃錫哂你 駛乜講我直頭錫哂你
我洗衫洗褲又會整幾味
跟o的飛仔冇得比
重唱 ＊
一於錫哂你 你乖乖地我實行錫哂你
你想出街我做你好司機
送o野疏爽冇慳皮
重唱 ＃
錫哂你 一於錫哂你
一於錫哂你 冤鬼錫哂你
74.有酒今朝醉
作詞：許冠傑／黎彼得
作曲：美國民謠
童年就八歲，多歡趣，見到狗仔起勢追，
爺爺話我最興嗲幾句，買包花生卜卜脆，
跳飛機，街邊玩水，
爺爺重教我講呢一句，有酒應該今朝醉。
行年十八歲，懶風趣，有名高級徒置區，
求其係派對仆倒去，見到烏都請佢，
咪個謙虛，幾大充有水，
連隨問佢幾多歲，有酒應該今朝醉。
行年廿八歲，金翡翠，鬢影衣香拖靚女，
同埋趙阿翠，雙雙對，結果卒之娶佢，
以為歲晚煎堆，點知著聲跟老許，
無謂問過去，盞心碎，有酒應該今朝醉。
行年六十八歲，腰骨都脆，阿風濕中氣衰，
人地窒兩句，濕濕碎，我都聲吞佢，
嘆雙蒸，打牌抽水，
回頭望過去，始終句，有酒應該今朝醉。
75.腐朽化神奇
作詞：許冠傑／黎彼得
作曲：許冠傑
點解冇心機，成日自己谷氣，
郁下就要死，話冇存在趣味，
猛鬧唔合理，成日'WUN'晌屋企，
充滿自卑心理，冇曬癮鬼咁悲。
駛乜冇心機，其實做左鄉里，
不要自欺，就有存在趣味，
切勿忘記，前路每多生機，
祗要立心爭氣，你會向高處飛。
人生難免多傷悲，何必呼天搶地，
人生猶如做緊戲，NGo左TAKE TWOo黎過，就腐朽化神奇。
76.夜雨聲
作詞：許冠英
作曲：許冠英
夜雨聲，嘆憶愛恨難明，
奈何卿已一去不見影，
情緣一朝化空心掛念，
離愁夜雨點聲不願聽。
夜雨聲，倍感往事無情，
夜傳淚暗低唱悲怨聲，
難忘雙飛燕依稀往事，
愁腸斷我湧襟珠馨。
誰憐憫苦相思歸泡影，
千般愁向秋天悲怨命，
愁城困獨孤單悲冷清，
鴛鴦難望再見淚凝凝，
鴛鴦難望再見淚凝凝。
77.賣身契
作詞：許冠傑／黎彼得
作曲：許冠傑
蘇蝦仔未出世，都去搵玉皇大帝，聽佢講番Ｄ世俗條例，
嚦起張賣身契，豈勢咁擰頭擰髻 ，好坐低聽孤家講出一切。
喂！我要你架勢，你梗一家富貴，我發起啷黎，會將你墊屍底，認真巴閉，
簽番張賣身契(賣身契)，攪掂筆入境費(仲要洗禮)，咁蘇蝦仔至准出世。
蘇蝦仔大個左啦喂，識拍拖學人地曳，一次偷雞喊亦無謂，
番香閨論婚禮，俾八姑窒頭窒勢，好女婿 呢單認真襟計。
喂！你咪當免費，走精面咪制(咪制)，我聽錢駛，你好挖倉底，重要三牲酒禮，
簽番張賣身契(仲要屋契)，攪掂筆外母費(傑過西米)，咁蘇蝦仔至准出世。
香港地為生計，乜野都受人限制，睇報紙多多制度條例，
加差餉電費水費 Ｄ'食送'乜愈來愈貴，恩愛夫妻都頂心頂肺。
喂！咪太過閉翳，訓醫院更貴(太貴)，養班馬騮仔，有苦暗啞抵，
仲要交足書簿費，一張張賣身契(賣身契)，枕住咁累你一世(做到甩肺)，
唉！總之一句柯彌吉帝(柯彌柯彌吉帝)。
一張張賣身契(賣身契)，枕住咁累你一世(做到甩肺)，
唉！總之一句柯彌吉帝羅，前世。
78.咪當我老襯
作詞：許冠傑／黎彼得
作曲：J.Leiber-M.Stoller
過蘇輕(SHOW HAND)啤癮，我博殺認真 Kunk，你泵雞？
冇要緊，最怕你出老千，想搵我笨，咪當我老襯 。
佢有舖偷雞癮，嚇到我週身震，博我？我最 Mung 索性蘇曬冷，
底牌要問，咪當我老襯。
我自身最有賭品，夠曬斯文，撞正鬥氣冤家，一於忍忍忍 ...
四五起手震，博有啤好 Mun，點知跌隻三，又派隻二，
送尾起隻煙添，認真夠運，咪當我老襯。
十個八個蘇輕，要靠手神，撞正有對手牌，幾大跟跟 ...
立曬身心興奮，笑到屋都震，佢發曬 Mung 面似灶君，
我殺到佢，清曬倉，七瘟八燉，咪當我老襯。
79.柔情淚
作詞：許冠傑／黎彼得
作曲：Wise-Weisman-Lloyd
舊愛消失風雨間，萬里阻隔再會難，
款曲空寄柔情淚滿眼，低聲嘆隻影單。
自怨當初空作繭，夜半枕冷碎夢殘，
惋惜春去柔情淚滿眼，恐相見已恨晚。
人生悲歡 世間滄桑，感慨有千萬，
如今追憶 昔日歡聚，緣何別一旦。
夢散煙消恩愛減，舊燕不會再復還，
每當佳節柔情淚滿眼，癡心永遠莫挽。
80.鬼馬大家樂
作詞：許冠傑／黎彼得
作曲：溫拿樂隊／黃霑
(1)香港交通歌：
今朝塞到依家 把幾火想爆炸
油抽筋送波牙 合眼就梗聽瓜
香港交通最丟架 一講起都怕怕
今朝搵到依家 通街捐窿窿罅罅
終於吼倒個METER 一試又係橫咖啦
香港車位夠羞家 想搵位一早要霸
無謂住鬼氣 交通差多多說話
有理 冇理抄 發告票 理得佢 最多公價
(2)醫生頌：
世界上有幾百樣人 祗發覺醫生一個
無論我點肚餓 無論我點折墮 終歸要醫好痛楚
世界上有幾百萬人 祗發信醫生一個
成日替我檢驗 成日替我搞掂 一朝到晚維護我
你對多多講 根本當唱歌 佢照顧你今生今世 你見佢多 收錢更多
世界上有幾百樣人 祗發覺醫生一個
能為我出力 能令我瓜直 始終永遠陪伴我
(3)點解要擺酒：
點解要擺酒 亂咁錢冇理由 人人為飲一杯酒 累到夫妻一世憂
點解要擺酒 恨我幫濕個頭 求人度水搵幫手 月尾薪金起勢扣
杯酒共渡患難 通檯走做阿茂 實係日後我與妳做到獅子咁口
點解要擺酒 望見張單報曬仇 難為自己一雙手 預算開支點會夠
(4)拍拖安全歌：
天黑出街有排慌 拖友專興四圍蕩
一味疏肝 見賊佬梗生 打鈴記住兩頭望
雖則公園有人者 看得幾看佢又暈浪
血影刀光 冇命仔真冤枉 拖友切勿四圍蕩
咪魯莽學人亂撞 遇著爛鬼盞剝清光
摑兩摑跟手綁幾綁 兇夾狠 隨時條命喪
乖女喜歡曬月光 家長擔心到傻戇
劫匪兇悍 嘆治安真不當 警方掃蕩靠謀望
| 
-4 In 1珍藏集.jpg)